Psa 106 | VulgJ | STEP | alleluia confitemini Domino quoniam bonus quoniam in saeculum misericordia eius confitemini Domino quoniam bonus quoniam in aeternum misericordia eius

Psalms 106

1 alleluia confitemini Domino quoniam bonus quoniam in saeculum misericordia eius ^va 2 dicant qui redempti sunt a Domino quos redemit de manu inimici de regionibus congregavit eos ^va 3 a solis ortu et occasu et ab aquilone et mari ^va 4 erraverunt in solitudine in inaquoso viam civitatis habitaculi non invenerunt ^va 5 esurientes et sitientes anima eorum in ipsis defecit ^va 6 et clamaverunt ad Dominum cum tribularentur et de necessitatibus eorum eripuit eos ^va 7 et deduxit eos in viam rectam ut irent in civitatem habitationis ^va 8 confiteantur Domino misericordiae eius et mirabilia eius filiis hominum ^va 9 quia satiavit animam inanem et animam esurientem satiavit bonis ^va 10 sedentes in tenebris et umbra mortis vinctos in mendicitate et ferro ^va 11 quia exacerbaverunt eloquia Dei et consilium Altissimi inritaverunt ^va 12 et humiliatum est in laboribus cor eorum infirmati sunt nec fuit qui adiuvaret ^va 13 et clamaverunt ad Dominum cum tribularentur et de necessitatibus eorum liberavit eos ^va 14 et eduxit eos de tenebris et umbra mortis et vincula eorum disrupit ^va 15 confiteantur Domino misericordiae eius et mirabilia eius filiis hominum ^va 16 quia contrivit portas aereas et vectes ferreos confregit ^va 17 suscepit eos de via iniquitatis eorum propter iniustitias enim suas humiliati sunt ^va 18 omnem escam abominata est anima eorum et adpropinquaverunt usque ad portas mortis ^va 19 et clamaverunt ad Dominum cum tribularentur et de necessitatibus eorum liberavit eos ^va 20 misit verbum suum et sanavit eos et eripuit eos de interitionibus eorum ^va 21 confiteantur Domino misericordiae eius et mirabilia eius filiis hominum ^va 22 et sacrificent sacrificium laudis et adnuntient opera eius in exultatione ^va 23 qui descendunt mare in navibus facientes operationem in aquis multis ^va 24 ipsi viderunt opera Domini et mirabilia eius in profundo ^va 25 dixit et stetit spiritus procellae et exaltati sunt fluctus eius ^va 26 ascendunt usque ad caelos et descendunt usque ad abyssos anima eorum in malis tabescebat ^va 27 turbati sunt et moti sunt sicut ebrius et omnis sapientia eorum devorata est ^va 28 et clamaverunt ad Dominum cum tribularentur et de necessitatibus eorum eduxit eos ^va 29 et statuit procellam eius in auram et siluerunt fluctus eius ^va 30 et laetati sunt quia siluerunt et deduxit eos in portum voluntatis eorum ^va 31 confiteantur Domino misericordiae eius et mirabilia eius filiis hominum ^va 32 exaltent eum in ecclesia plebis et in cathedra seniorum laudent eum ^va 33 posuit flumina in desertum et exitus aquarum in sitim ^va 34 terram fructiferam in salsuginem a malitia inhabitantium in ea ^va 35 posuit desertum in stagna aquarum et terram sine aqua in exitus aquarum ^va 36 et conlocavit illic esurientes et constituerunt civitatem habitationis ^va 37 et seminaverunt agros et plantaverunt vineas et fecerunt fructum nativitatis ^va 38 et benedixit eis et multiplicati sunt nimis et iumenta eorum non minoravit ^va 39 et pauci facti sunt et vexati sunt a tribulatione malorum et dolore ^va 40 effusa est contemptio super principes et errare fecit eos in invio et non in via ^va 41 et adiuvit pauperem de inopia et posuit sicut oves familias ^va 42 videbunt recti et laetabuntur et omnis iniquitas oppilabit os suum ^va 43 quis sapiens et custodiet haec et intellegent misericordias Domini

^va